Første helga i februar (laurdag 1.- søndag 2.) er det duka for den legendariske lysbildesamlinga på Standalhytta! Det er 50 overnattingsplassar på hytta, og du tingar automatisk overnatting ved å melde deg på. Kjempemotivert kjøkkengjeng er mobilisert og klar for å servere dei lekraste rettar!

Har du bilete som du vil vise fram? Send ein epost til drift@sunnmorsk-klatreklubb.no der du skriv 2-3 stikkord om kva du vil vise bilete frå, kva slags teknologi du nyttar og kor lang tid du treng (20 min er optimalt).

Alle påmeldte vil få tildelt ei dugnadsoppgåve relatert til oppvask eller nedvask.

Samlinga er eit medlemsarrangement for medlemmer i SKK over 18 år. 

Prisen er flat. Det vil seie at det er samme pris om du skal overnatte eller ikkje. (Som regel er det sitteplassen i peisestova under lysbildeframsyninga som er flaskehalsen.) Middag på laurdag er inkludert, og vi har sjølvsagt gitt beskjed om at vi vil nytte badstua. Vi kjøper også inn til ein enkel fellesfrukost på søndagen. om du har spesielle påleggspreferansar så kan det vere lurt å ta med dette sjølv.